සිංහල යුනිකේත කියන්නේ,පරිගණක ලෝකය තුල සිංහල නිවැරදිව යතුරු ලියනය කිරීමට ඔබත් මමත් ඒවගේම බොහෝ දෙනා භාවිතා කරන අන්තර්ජාතික සංගත කේතීකරණ සම්මතයකටයි.සරලවම කිව්වොත් පරිගණක මගින් සිංහල යතුරු ලියන සඳහා ජාත්යයන්තරව පිළිගත් ක්රමවේදයයි.
මේ ලියන්න හදන්නේ සිංහල යුනිකේත පිළිබඳ පාඩමක් නම් නෙමෙයි. :) මට ළඟඳී දවසක සිද්ධ වුන අත්දැකීමක් ගැනයි. සිංහල යුනිකේත වලින් යතුරු ලියනය කරපු ලිපියක මුද්රිත පිටපතක් ගන්න ඕන වෙලා මම කොමියුනිකේෂන් එකකට ගියා.එය පෙන් ඩ්රයිව් එකක .doc ෆයිල් ටයිප් එකෙන් තමයි අරන් ගියේ.(කරුමෙ කියන්නේ .pdf විදියට අරන් යන්න අමතක උනානෙ. :()
කොහොමහරි කොමියුනිකේෂන් එකේ පොර වගේ හිටිය අයියට මම පෙන් ඩ්රයිව් එක දීලා මගේ අවශ්යතාවත් කිව්ව.ඊළඟට මෙන්න මෑන්සුත් පෙන් එක ආසාධනය වෙලාද කියලා බලලා ඉවර උනාම අර කිව්ව ෆයිල් එක ඕපන් කළා.කොටු ටිකක් විතරයි පේන්නේ.ඊට පස්සේ මම කිව්වා අයියේ මම ඕක සිංහල යුනිකෝඩ් වලින් ටයිප් කළේ ඔය මැසිමෙ ඒක ඉන්ස්ටෝල් කරලා නැද්ද කියලා.මෙන්න එතකොට මේ මිනිහා ෆුල් ගට්ස් පිට මට කියනවා මල්ලී අපි ඔය එක එක සොෆ්ට්වෙයාර් මේවයේ ඉන්ස්ටෝල් කරන්නේ නෑ කියලා.මේවගේ තැන් තුනකටම ගියපු මට ලැබුනේ මේ හා සමානම උත්තර.
කොහොම උනත් මෙතනින් තැන් දෙකක්ම ඒ පැත්තේ තියන තරමක් ප්රසිද්ධ පරිගණක අලුත්වැඩියා කරන මෙන්ම ටයිප්සෙටින් කරන තැන්.මට ඒ වෙලාවෙ ඇතිවුන ගැටළුව තමයි පරිගණක සහ ටයිප් සෙටින් ක්ෂේත්රයට ඉතාමත්ම අදාල වෙලත් මේවයේ හිටපු අයගේ සිංහල යුනිකේත පිළිබඳ තිබුන අල්ප දැනුම සහ එය ස්ථාපනය සඳහා තිබුණ බිය පිළිබඳ.
මේ මිනිස්සුන්ගේ තියෙන ලොකුම මෝඩකම තමයි යමක් ගැන දන්න කෙනෙක් ඒවා ගැන පැහැදිලි කරාම ඒක පිළිගන්න තරම්වත් නිහතමානී නොවීම.මේවගේ අය තමයි,පරිගණක ගැන අඩු දැනුමක් ඇති අය එයාලගෙ සේවාව ලබා ගැනීමට ආවම ඒ මිනිස්සුන්ව අමාරුවෙ දාන්නේ.
මේ වගේ අත්දැකීම් ඔයාලටත් ඇති.මට මේකෙන් කියන්න ඕන කළේ අපි අතර සිංහල යුනිකේත භාවිතය සහ ඒ පිළිබඳ අවබෝධය මීට වඩා ව්යාප්ත විය යුතුය යන්නයි.
/bye
Comments
4 Responses to “”
ඕක ලංකාවේ ගොඩක් තැන්වල වෙනවා. මටත් තැන් දෙකක දී උනා. හැබැයි එක තැනක උනන්දුවෙන් හොයල බලලා මට install කරල දුන්නා මගේ doc එක ගන්න.
oya kiyana detama math ekadawasak muhuna dunna.un kiwwa api langa sinhala fonts 300k withara thiyanawa.eth ohoma iskoola potha font ekak gena api danne naa kiyala.aththatama harima kalakirimak athiuna e minissu gena.
සහතික ඇත්ත ඉසුරු ,
ඔය මාසෙක දෙහෙක කොම්පුටර් පන්තියකට ගිහිල්ල
software ටිකක් අතපත ගාන්න පුළුවන් වෙච්ච පලියට
බිල් ගේට්ස් ටත් උගන්වන සයිස් එකේ අයියල දීපු advise ලනු කාපු කීප දෙනෙක්ම මමත් දන්නවා.
ලොකුම නොදන්නා කම කියන්නේ තමන්ගේ නොදැනීම නොදන්නා බවයි කියල කියනවනේ
ලංකාවේ ගොඩක් තැන් ඔහොම තමයි. යුනිකෝඩ් කිව්වම බය වෙනවා. අනේ මන්දා......
Post a Comment
සටහන ගැන හිතෙන දේ,